Pimmigsa manen ni Bagyo Opong (international name: Bualoi) bayat a tuparenna ti West Philippine Sea (WPS) ken manamnama a rummuaren iti Philippine Area of Responsibility (PAR) ita a bigat wenno malem (Septiembre 27), segun iti Philippine Atmospheric, Geophysical and Astronomical Services Administration (PAGASA).
Itay 4:00 iti parbangon, nasaripatpatan ti sentro ni Opong iti 505 a kilometro iti laud ti Indang, Cavite, nga agpigsa iti 120 a kilometro kada oras, ken pugso nga agingga iti 150 a kilometro kada oras. Agpalaud-amianan a laud ni Opong iti kapardas a 30 a kilometro kada oras.
Nupay umadayon ni Opong, kuna ti PAGASA a manamnama latta ti panagtudo iti Metro Manila, Central Luzon, Ilocos Region, CALABARZON, ken MIMAROPA gapu iti abagat (southwest monsoon).
Iti sabali a bangir, bambantayan ti PAGASA dagiti ulep iti dayaen ti pagilian a posible nga agbalin a low-pressure area (LPA) kadagiti sumaruno nga al-aldaw. (Merlina Hernando-Malipot/Manila Bulletin//Lito Hilidon/Bannawag)
