Naipaay ken ni Atty. Pablito V. Sanidad, Sr. ti Golden Pillars of the Law Award kas pammigbig kenkuana a kas mararaem nga abogado ken kas maipannakkel a human rights lawyer a nangirupir iti kalintegan dagiti awanan gaway a maikuskuspil iti naunday a panawen.

Naipaay ti pammadayaw ken ni Atty. Sanidad idi Septiembre 15, 2025 babaen ti Integrated Bar of the Philippines Baguio-Benguet Chapters bayat ti seremonia ti flag raising iti Siudad ti Baguio. Inatendaran dagiti opisial ti IBP, dagiti dadaulo iti Siudad ti Baguio ken Benguet ti okasion.

Ti pammadayaw ti maysa laeng kadagiti adu a naipaay ken ni Atty. Sanidad iti nasional ken internasional nga agpang. Nagturpos a Valedictorian iti UP College of Law idi 1967. Maika-8 iti Bar Examinations idi 1968, ken nagturpos iti Masters of Law a kas Magna Cum Laude iti San Beda University. Propesor iti linteg iti nadumaduma nga unibersidad iti Cordillera, ken nag-Dekano iti University of Baguio College of Law.

Ni Atty. Pablito V. Sanidad iti panangawatna iti plake ti pammadayaw manipud ken ni Baguio City Vice Mayor Faustino Olowan.

Kas human rights lawyer, nagpaay iti 12 a tawen a Chairman ti Free Legal Assistance Group (FLAG), Board Member – Centre for the Independence of Judges and Lawyers, International Commission of Jurists (ICS), Geneva, Switzerland. Kas ICJ Trainor/Lecturer – kameng iti International Commission on Jurists a nangsanay iti  Chief Justice ken dagiti dadduma pay a mahistrado iti Supreme Court, Court of Appeals, ken Judges idi maipasdek ti  Democratic Government in Cambodia idi 1993. Nag-Chairman iti Regional Council for Human Rights in Asia (1988, Singapore) ken World Council Member – SOS Torture (World Organization Torture) Geneva. Nagpaay pay a Chairman – Philippine Government Panel, US - RP Joint Labor Committee on the U.S. Bases, ken Philippine Government Delegate – International labor Organization 1986 Conference iti Geneva.

Lokal

Farm specialist iti Abra, napaltogan

Nag-Bise Gobernador iti Ilocos Sur idi 1972, ken  nag-Deputy Minister iti DOLE idi panawen ni Pres. Corazon Aquino, Nabutosan a Bise Mayor iti ilina a Narvacan, I. Sur idi 2019 ken nag-Mayor idi 2022-2025.

Mabigbig nga orador, mannurat, ken kolumnista kadagiti nadumaduma a pagiwarnak iti Cordillera ken autor dagiti nadumaduma a libro ken  review Materials for Political and Constitutional Law.