Addaan inaramid a panangisingit iti badiet wenno insertions ti "dandani amin" a senador bayat ti napalabas a maika-19 a Kongreso, nga agdagup iti ₱100 a billion, iti agdama a ₱6.352 a trillion a national budget wenno General Appropriations Act (GAA) ti 2025.
Impalgak daytoy ni Senate President Pro Tempore Panfilo "Ping" Lacson idi Domingo, Sept. 28, bayat ti panagtultuloy ti hearing ti idauluanna a Blue Ribbon Committee iti isyu ti flood control projects ken budget insertions.
Dinakamat ni Lacson, a pagaammo gapu iti natangken a pagtaktakderanna maibusor iti panagkunniber, dagiti dokumento a naurnongna a mangipasimudaag a dagitoy ket indibidual a pannakaisingit, nupay natengngel laeng dagitoy para iti for later release (FLR) wenno naituding a mairuar iti masanguanan.
"Iti pay laeng Senado, di kumurang a ₱100-bilion. Nasdaawak ngarud, individual insertions dagitoy, ket naka-FLR dagitoyen," kinunana iti interview iti DZMM radio.
Retirado a heneral, nakemmeg gapu iti panangsugsog a mangtippuog iti gobierno
"Unay a nagdadakkel. Pulos a diak pay nakapuot iti kastoy ta idi di pay naideklarar nga unconstitutional ti PDAF, adda laeng iti ginasut a milion ti pork barrel. Ket itan ngay, nakitak ti dagupna, di kumurang a ₱100-bilion ti dagupna para iti 24 a senador laeng," innayonna. (Ellson Quismorio/MANILA BULLETIN)
