Naglusulos ni Ako Bicol Party-list Rep. Zaldy Co a kas kameng ti Kamara iti baet dagiti panangidarirag kenkua nga agsublin iti Filipinas manipud iti abroad ken sungbatanna dagiti alegasion maipapan iti 2025 budget insertions ken ti iskandalo ti panagkunniber iti flood control projects.
Naawat ti opisina ni House Speaker Faustino "Bojie" Dy III ti resignation latter ni Co itay 2:35 iti malem ti Lunes, Septiembre. 29.
Impaskil met laeng ni Co a mismo ti ti suratna iti social media account-na sakbay tii 4:00 iti malem ti Lunes.
Dinakamat ti dati a daulo ti House Committee on Appropriations ti umad-adda a pangta iti biagna ken dagiti kameng ti pamiliana kas kangrunaan a rason ti panaglusulosna.
Mapukpukaw a nobia, nasarakan iti Pangasinan
"Gapu iti pudpudno, direkta, nakaro ken umad-adda a pangta iti biag dagiti kameng ti pamiliak ken kaniak, ken ti nabatad a pannakaiwaksi ti kalintegak iti maiparbeng a proseso ti linteg, mapilitak a mangidatag a dagus nga epektibo ti mawaswas a panaglusulosko a kas kameng ti Kamara dagiti Mangibagi," kuna ti surat ni Co.
Nailanad pay nga ipakaammonto ti Ako Bicol Party-list ti nominaee-da a mangsukat ken ni Co iti Kamara. (Ellson Quismorio/MANILA BULLETIN)
