Begbegbegenen ti napigsa nga angin ken bayakabak ti Dinapigue, Isabela ita nga aldaw, Oktubre 3, iti panagdisso ni Typhoon Paolo (international name: Matmo) itay 9:00 iti agsapa, segun iti Philippine Atmospheric, Geophysical and Astronomical Services Administration (PAGASA).
Iti waragawag ti PAGASA itay 11:00 iti aldaw, agpigsa ni Paolo iti 130 a kilometro kada oras iti asideg ti sentrona, ken pugso nga agingga iti 215 a kilometro kada oras apagdissona iti daga.
Naingato iti Tropical Cyclone Wind Signal (TWCS) No. 4 ti murdong ti amianan a paset ti Aurora (Dilasag, Casiguran), abagatan a paset ti Isabela (Dinapigue, San Mariano, Palanan, Roxas, Burgos, Gamu, Naguilian, Benito Soliven, San Manuel, Cabatuan, Aurora, Luna, Reina Mercedes, Cauayan City, San Mateo, Alicia, Ramon, Santiago City, Cordon, San Isidro, Echague, Angadanan, San Guillermo, Jones, San Agustin), amianan a paset ti Quirino (Diffun, Aglipay, Saguday, Cabarroguis, Maddela), amianan a paset ti Nueva Vizcaya (Solano, Villaverde, Bagabag, Diadi, Quezon, Ambaguio, Bayombong), Mountain Province, Ifugao, abagatan a paset ti Abra (Tubo), amianan a paset ti Benguet (Bakun, Mankayan, Buguias, Kibungan, Kapangan, Atok, Kabayan), abagatan a paset ti Ilocos Sur (Cervantes, Quirino, Gregorio del Pilar, Sigay, San Emilio, Salcedo, Burgos, Lidlidda, Banayoyo, San Esteban, Santiago, Candon City, Santa Lucia, Santa Cruz, Suyo, Alilem, Tagudin, Sugpon), amianan a paset ti La Union (Luna, Bangar, Balaoan, Sudipen, Santol, San Gabriel, Bacnotan, San Juan).
Naipan met iti Signal No. 3 ti amianan a paset ti Aurora (Dinalungan, Dipaculao), dadduma a paset ti Isabela, dadduma a paset ti Quirino, sentro a paset ti Nueva Vizcaya (Kasibu, Bambang, Kayapa, Aritao, Dupax del Norte, Dupax del Sur, Santa Fe), Kalinga, sentro a paset ti Abra (Boliney, Daguioman, Sallapadan, Bucloc, Licuan-Baay, Malibcong, Lacub, La Paz, San Juan, Lagangilang, Danglas, Lagayan, Tayum, Bangued, Langiden, Pidigan, San Quintin, Pilar, Luba, Manabo, Villaviciosa, San Isidro, Peñarrubia, Bucay, Dolores), dadduma a paset ti Benguet, dadduma a paset ti Ilocos Sur, dadduma a paset ti La Union.
Mapukpukaw a nobia, nasarakan iti Pangasinan
Signal No. 2 iti abagatan a paset ti Cagayan (Peñablanca, Tuguegarao City, Solana, Iguig, Tuao, Piat, Rizal, Santo Niño, Alcala, Amulung, Enrile, Baggao), dadduma a paset ti Nueva Vizcaya, abagatan a paset ti Apayao (Conner, Kabugao), dadduma a paset ti Abra, abagatan a paset ti locos Norte (Nueva Era, Badoc, Pinili, Batac City, Paoay, Currimao, Banna, Laoag City, San Nicolas, Sarrat, Dingras, Solsona, Marcos, Bacarra, Piddig), amianan a paset ti Pangasinan (San Fabian, Sison, Pozorrubio, Umingan, San Jacinto, Laoac, Binalonan, San Nicolas, Natividad, Tayug, San Manuel, Asingan, Santa Maria, San Quintin, Dagupan City, Mangaldan, Manaoag, Bolinao, Anda, Bani, Alaminos City, Sual, Labrador, Lingayen, Binmaley, Calasiao, Mapandan, Santa Barbara, Urdaneta City), sentro a paset ti Aurora (Baler, Maria Aurora, San Luis), ken ti amianan a paset ti Nueva Ecija (Carranglan, Bongabon, San Jose City, Pantabangan, Rizal, Lupao).
Adda iti Signal No.1 ti dadduma a paset ti kadaklan a Cagayan (agraman ti Babuyan Islands), dadduma a paset ti Aurora, amianan ti Quezon (General Nakar, Infanta, including Polillo Islands), Camarines Norte, dadduma a paset ti Apayao, dadduma a paset ti Ilocos Norte, dadduma a paset ti Pangasinan, dadduma a paset ti Nueva Ecija, amianan a paset ti Bulacan (Doña Remedios Trinidad, San Miguel, San Ildefonso, Norzagaray, San Rafael, Angat), Tarlac, amianan a paset ti Pampanga (Magalang, Arayat, Candaba, Mabalacat City), aminanan a paset ti Zambales (Palauig, Masinloc, Candelaria, Santa Cruz).
Kalpasan ti panagdisso ni Paolo iti daga, manamnama nga agturong daytoy iti laud-amianan a laud iti kapardas a 25 a kilometro kada oras, a tuparenna ti Cagayan Valley, Cordillera Administrative Region (CAR), ken Ilocos Region. (Ellalyn De Vera-Ruiz/Manila Bulletin//Lito Hilidon/Bannawag)
