Pimmigsa pay ni Severe Tropical Storm Paolo (international name: Matmo) bayat nga umasideg iti deppaar ti abagatan nga Isabela ken amianan ti Aurora, segun iti Philippine Atmospheric, Geophysical and Astronomical Services Administration (PAGASA) ita nga aldaw, Oktubre 3.
Manamnama nga agdisso ni Paolo iti amianan ti Aurora wenno iti abagatan ti Isabela ita a bigat wenno tumengnga ti aldaw.
Itay 5:00 ti agsapa, nasaripatpatan ti sentro ni Paolo iti 150 a kilometro iti daya ti Casiguran, Aurora, nga agpigsa iti 100 a kilometro kada oras iti asideg ti sentrona ken pugso nga agingga iti 125 a kilometro kada oras. Agpalaud-amianan a laud iti kapardas a 20 a kilometro kada oras.
Naipan iti Tropical Cyclone Wind Signal (TWCS) No. 3 ti amianan a paset ti Aurora (Dilasag, Casiguran, Dinalungan), sentro ken abagatan a paset ti Isabela (Dinapigue, San Mariano, San Guillermo, Echague, Jones, San Agustin, Cordon, City of Santiago, Ramon, San Isidro, Alicia, Angadanan, City of Cauayan, Benito Soliven, Naguilian, Luna, Reina Mercedes, Cabatuan, San Mateo, Aurora, San Manuel, Burgos, Gamu, Roxas, Palanan), amianan a paset ti Quirino (Maddela, Cabarroguis, Aglipay, Saguday, Diffun), amianan a paset ti Nueva Vizcaya (Diadi, Bagabag, Villaverde, Ambaguio, Quezon, Solano, Bayombong), Mountain Province, Ifugao, ti abagatan a paset ti Abra (Tubo), ti amianan a paset ti Benguet (Mankayan, Buguias, Kabayan, Bakun, Kibungan, Atok, Kapangan), sentro ken abagatan a paset ti Ilocos Sur (Sugpon, Alilem, Cervantes, Suyo, Tagudin, Santa Cruz, Sigay, Quirino, Gregorio del Pilar, Salcedo, Santa Lucia, City of Candon, San Emilio, Galimuyod, Lidlidda, Banayoyo, Santiago, San Esteban, Burgos), ken ti amianan a paset ti La Union (Sudipen, Santol, Balaoan, Luna, Bangar, San Gabriel, Bacnotan, San Juan).
Senado, pinasingkedanna ti ₱6.793-trilion a nailian a badiet para 2026
Signal No. 2 iti sentro ken abagatan a paset ti kadaklan a Cagayan (Peñablanca, Tuguegarao City, Enrile, Solana, Iguig, Tuao, Piat, Rizal, Santo Niño, Alcala, Amulung), ti dadduma a paset ti Isabela, Quirino, ken Nueva Vizcaya, sentro a paset ti Aurora (Dipaculao, Baler, Maria Aurora, San Luis), amianan a paset ti Nueva Ecija (Carranglan, Bongabon, San Jose City, Pantabangan, Rizal, Lupao), sentro ken abagatan a paset ti Apayao (Conner, Kabugao), Kalinga, ti dadduma a paset ti Abra ken Benguet, sentro ken abagatan a paset ti Ilocos Norte (Nueva Era, Badoc, Pinili, City of Batac, Paoay, Currimao, Banna, Laoag City, San Nicolas, Sarrat, Dingras, Solsona, Marcos, Bacarra, Piddig), ti dadduma a paset ti Ilocos Sur ken La Union, ken ti amianan a paset ti (San Fabian, Sison, Pozorrubio, Umingan, San Jacinto, Laoac, Binalonan, San Nicolas, Natividad, Tayug, San Manuel, Asingan, Santa Maria, San Quintin, Dagupan City, Mangaldan, Manaoag, Bolinao, Anda, Bani, City of Alaminos, Sual, Labrador, Lingayen, Binmaley, Calasiao, Mapandan, Santa Barbara, Siudad ti Urdaneta).
Adda iti Signal No. 1 ti dadduma a paset ti kadaklan a Cagayan agraman ti Babuyan Islands, dadduma a paset ti Aurora, ti amianan a paset ti Quezon (General Nakar, Infanta) agraman Polillo Islands, Camarines Norte, ti amianan a paset ti Camarines Sur (Siruma, Tinambac, Lagonoy, Garchitorena, Caramoan, Goa, San Jose, Presentacion), Catanduanes, dadduma a paset ti Apayao, Ilocos Norte, Pangasinan, ken Nueva Ecija, amianan a paset ti Bulacan (Doña Remedios Trinidad, San Miguel, San Ildefonso, Norzagaray, San Rafael), Tarlac, amianan a daya a paset ti Pampanga (Magalang, Arayat, Candaba, Mabalacat City), ken amianan a paset ti Zambales (Palauig, Masinloc, Candelaria, Santa Cruz).
Impakdaar ti PAGASA a mabalin a madanon ni Paolo ti kategoria a kas "typhoon" sakbay nga agdisso iti daga, ket mabalin a maipan iti Signal No. 4 dagiti dadduma a lugar. (Ellalyn De Vera-Ruiz/Manila Bulletin//Lito Hilidon/Bannawag)
