Inyebkas dagiti kameng ti Kamara ti pannakipagriknada kadagiti biktima ti napigsa a ginggined a nangdayyeg iti Cebu, babaen ti panangdaptarda iti House Resolution (HR) No.325 ita nga aldaw, Oktubre 3.
Napauluan ti resolusion iti: "A resolution expressing the profound empathy, compassion and unwavering solidarity of the House of Representatives with the victims of the September 30, 2025 magnitude 6.9 earthquake that struck Cebu and nearly provinces."
Da House Speaker Isabela 6th district Rep. Faustino "Bojie" Dy III, Majority Leader Ilocos Norte 1st district Rep. Sandro Marcos, ken Minority Leader 4Ps Party-list Rep. Marcelino "Nonoy" Libanan ti nangsurat iti resolusion.
Segun iti kaudian a report, mapanen a 72 dagiti natay gapu iti ginggined. (Ellson Quismorio/Manila Bulletin//Lito Hilidon/Bannawag)
