Inladawan dagiti Makabayan bloc iti Kamara a pangyaw-awan laeng iti isyu ti panagkunniber ti singasing ni Sen. Alan Peter Cayetano nga aglusulos amin nga opisial ti gobierno ken maaramid ti snap election.
Iti paskil ni Cayetano iti Facebook idi Domingo, Oktubre 5, kunana a yantangay ta awanen ti panagtalek dagiti umili iti gobierno ken kadagiti opisial ti gobierno, ania ngata no aglusulos laengen amin (manipud Presidente, Bise-Presidente, Senado ken Kamara) sa angayen ti snap election.
Innayon ni Cayetano ti kondision a saan a mapalubosan nga agkandidato dagiti agdama nga agakem kadagiti dinakamatna a pagsaadan, ngem agtalinaed dagiti gobernador, mayor, ken punong barangay, ta agtalek kadakuada dagiti umili.
Segun kadagiti kameng ti militant bloc ti Kamara ita nga aldaw, Oktubre 6, a gagangay a panangisiasi iti saritaan mainaig ti panagkunniber ti ibagbaga ni Cayetano a mangangay iti snap election.
Senado, pinasingkedanna ti ₱6.793-trilion a nailian a badiet para 2026
Da ACT Teachers Party-list Rep. Antonio Tinio, Gabriela Party-list Rep. Sarah Elago, ken Kabataan Party-list Rep. Renee Co ti mangbukel iti Makabayan bloc iti maika-20 a Kongreso. (Ellson Quismorio/Manila Bulletin//Lito Hilidon/Bannawag)
