Saan a pudno ti impalgak ni Caloocan City 2nd district Rep. Egay Erice nga adda kameng ti Independent Commission for Infrastructure (ICI) a kayatnan ti aglusulos.
Daytoy ti imbatad ni Executive Director ti ICI Brian Hosaka ita nga aldaw, Oktubre 7, kabayatan dagiti kumarkaro a pasamak iti panagimbestigarda kadagiti naanomalia a flood control project.
Saan a natalged ti daulo ti Senate Blue Ribbon Committee a mangim-imbestigar kadagiti anomalia, idinto nga idagdagadag dagiti dadduma a kameng ti Kongreso nga ilukat ti ICI dagiti deliberasionda iti publiko.
Iti panagbitla ni Erice idi Lunes, Oktubre 6, kunana nga adda kameng ti ICI a maaw-awananen iti namnama gapu kadagiti mapaspasamak ken kayatnan ti aglusulos gapu iti kaawan ti turay ti ICI kadagiti dadduma nga opisial a nairaman.
Mapukpukaw a nobia, nasarakan iti Pangasinan
Ngem kuna ni Hosaka a saan a pudno ti kinuna ni Erice ta awan ti kameng ti ICI a kayatnan ti aglusulos, no di ket agtultuloy ti panangtungpalda iti naituding nga akemda a mangibestigar kadagiti naanomalia a proyekto ti gobierno. (Joseph Pedrajas/Manila Bulletin//Lito Hilidon/Bannawag)
