Dinutokan ni Presidente Ferdinand Marcos Jr. ni Sekretario ti Department of Justice (DOJ) Jesus Crispin “Boying” Remulla a kas baro nga Ombudsman ita nga aldaw, Oktubre 7.
Nadutokan ni Remulla kalpasan ti panagretiro ni dati nga Ombudsman Samuel Martires idi Hulio.
Ni Remulla ti nagpaay a maika-59 a Sekretario ti Hustisia idi Hunio 2022.
Segun iti Malakanyang, agtalinaed a natibker ti panagkumit ti administrasion iti panangrugpoda iti panagkunniber. Ket kas maysa nga Ombudsman, manamnama nga itandudo ni Remulla ti transparensia, papigsaenna dagiti wagas a pangsaranget iti panagkunniber, ken mangsigurado a patas ken naan-anay ti pannakaipaay ti hustisia.
Mapukpukaw a nobia, nasarakan iti Pangasinan
Kuna ti Malakanyang nga adun it reporma nga naipatungpal idi nagpaay ni Remulla a daulo ti DOJ, agraman ti pannakapabaro ti sistema ti hustisia, pannakawaya dagiti pagbaludan, pannakapapardas ti pannakaresolbar dagiti kaso, ken pannakaisaknap dagiti serbisio legal. (Betheena Unite/Manila Bulletin//Lito Hilidon/Bannawag)
