Inwaragawag ni Undersecretary ti Presidential Communications Office (PCO) Claire Castro nga awan pay ti listaan dagiti mabalin a pagpilian ni Presidente Marcos kadagiti agbalin a kasukato ni Jesus Crispin “Boying” Remulla kas secretary ti Department of Justice (DOJ).
Iti maysa a press briefing iti Malakanyang ita nga aldaw, Oktubre 8, kinuna ni Castro nga awan pay ti naited kadakuada a detalye mainaig iti agbalin a daulo ti DOJ.
Kinompirmar ti Malakanyang a ni Undersecretary ti DOJ Fredderick Vida ti agpaay nga officer-in-charge (OIC) agingga a madutokan ti baro a mangidaulo ti ahensia kalpasan ti pannakapili ni Remulla a kas Ombudsman.
Agsapata ni Remulla iti baro nga akemna inton Oktubre 9.
Senado, pinasingkedanna ti ₱6.793-trilion a nailian a badiet para 2026
Iti sabali a bangir, kuna ni Castro a saan a pudno dagiti sayangguseng a maysa isuna kadagiti pagpipilian nga agbalin a sekretario ti DOJ, ken saanna nga ammo no naggapuan daytoy a sayangguseng. (Raymund Antonio/Betheena Unite/Manila Bulletin//Lito Hilidon/Bannawag)
