Mapan sarungkaran ni Sekretario ti Department of Public Works and Highways (DPWH) Vince Dizon ti narpuog a Piggatan Bridge iti Alcala, Cagayan ita nga aldaw, Oktubre 8.
Makiuman ni Dizon kada Gobernador ti Cagayan Edgar Aglipay ken Mayor ti Alcala Tin Antonio tapno pagsasaritaanda ti aramidenda iti rangtay.
"Mangsapulkami iti pamuspusan no kasano a maipatakder manen ti rangtay iti kabiitan a panawen, ket mapanak tapno kasaritak dagiti engineer sadiay ken ti gobernador ti Cagayan tapno maammuanmi no ania ti pudno a napasamak," kinuna ni Dizon.
Itay nabiit, tiningiting dagiti engineer ti DPWH ti narpuog a rangtay tapno kitaenda no masapul a tarimaanen wenno suktanen a maminpinsan ti rangtay.
Mapukpukaw a nobia, nasarakan iti Pangasinan
Impasigurado ni Dizon nga adda mailatang a pondo a para iti rangtay iti 2026 national budget.
Kuna ni Dizon a masapul nga adda maipatakder a temporario a rangtay iti kabiitan a panawen. (Liezle Basa Iñigo/Manila Bulletin//Lito Hilidon/Bannawag)
