Saan nga anamongan ni Presidente Marcos Jr. ti charter change (Cha-Cha), wenno ti pannakaamendar iti Konstitusion, idi insingasing ti Kamara daytoy, segun ken ni Undersecretary ti Presidential Communications Office (PCO) Claire Castro idi Oktubre 7.
Impaganetget ni Castro a saan nga anamongan ti Presidente ita ti pannakaamendar ti Konstitusion, ta adu dagiti pamuspusan tapno marisut dagiti nakaro a kinaruker iti gobierno.
Kinuna daytoy ni Castro kas sungbat iti singasing ni House Minority Leader Rep. Marcelino Libanan a rumbeng ketdi a maamendaran ti Konstitusion, saan a ti singasing ni Senate Minority Leader Alan Peter Cayetano a mangangay iti snap election.
Kuna ni Castro nga adda dagiti paglintegan a mabalin a maipatungpal tapno maliklikan ti panagkunniber kas iti napasamak kadagiti flood control project ti Department of Public Works and Highways (DPWH).
Pagalagadan iti MAIFIP mainaig iti pannakaiparit ti guarantee letter, iruar ti DOH inton Pebrero
Impalagip ni Castro a napaay ni Presidente Marcos idi naammuanna nga inikkat ti napalabas nga administrasion ni Duterte ti karbengan dagiti local government unit (LGU) a mangtingiting kadagiti proyekto nga impraestruktura kadagiti lugarda.
Innayon ni Castro a saan a panangbaliw iti Konstitusion ti kasapulan ita, no di ket ti panangbaliw iti kababalin dagiti opisial ti ad-adda a kasapulan, tapno agbalinda a pro-Filipino. (Raymund Antonio/Manila Bulletin//Lito Hilidon/Bannawag)
