Dinayyeg ti magnitude 4.8 a ginggined ti probinsia ti La Union itay 10:30 ti aldaw, Oktubre 9, segun iti Philippine Institute of Volcanology and Seismology (Phivolcs).
Maibatay iti datos ti Phivolcs, adda iti 2 a kilometro iti amianan a daya ti Pugo, La Union ti epicenter ti ginggined a 10 a kilometro ti kaunegna.
Narikna ti Intensity V (napigsa) iti Baguio City, idinto nga Intensity III (saan a napigsa) ti narikna iti Aringay, La Union; Bontoc, Mountain Province; ken Sison, Pangasinan.
Intensity II (apagbassit) ti narikna dagiti adda iti San Fernando, La Union; Nampicuan, Nueva Ecija; ken Dagupan City, Pangasinan, idinto nga Intensity I (dandani saan a marikna) iti Lingayen ken Urdaneta City, iti Pangasinan.
Mapukpukaw a nobia, nasarakan iti Pangasinan
Kuna ti Phivolcs a tectonic, wenno panagtignay ti active fault iti lugar, ti makaigapu iti ginggined.
Impakdaar ti Phivolcs a mabalin nga adda dagiti babassit a dadael, ken saanda nga ekspektaren a rumsua dagiti aftershock. (Ellalyn De Vera-Ruiz/Manila Bulletin//Lito Hilidon/Bannawag)
