Imbilin ni Sekretario ti Department of Public Works and Highways (DPWH) Vince Dizon ti dagus a pannakaipatakder ti detour bridge kalpasan a binisitana ti narpuog a Piggatan Bridge iti Alcala, Cagayan itay Oktubre 8.
"Masapul a rugiantayon ti mangipatakder iti detour bridge; nakapatangkon ti RD ditoy, ket inwaragawagkon daytoy iti media tapno isu ti ikumitna kadakayo. Isu nga iti las-ud ti dua a bulan, namnamaentayo a nabangonen daytoy a detour bridge," kinuna ni Dizon iti isasarungkarna iti Alcala, Cagayan.
Kinapatang met ni Dizon da Cagayan Governor Edgar Aglipay, Alcala Mayor Tin Antonio, ken DPWH-Region 2 Director Mathias Malenab mainaig kadagiti paglintegan ken mabalin a pamuspusan tapno masigurado ti pannakaaming dagiti lima a rangtay iti Cagayan a maibilang a ”saanen a nalagda.”
Kinuna ti Cagayan Provincial Information Office a mairaman kadagiti napagsasaritaanda ti pannakaiwardas dagiti lugan a lumabas ken panangmonitor kadagiti load limit.
Senado, pinasingkedanna ti ₱6.793-trilion a nailian a badiet para 2026
Inyunay-unay ni Dizon a kasapulan ti alternatibo a ruta a mangibiahe kadagiti produkto tapno maliklikan ti pannakataktak dagitoy ken anamonganna ti singasing ni Aglipay nga usarenda ti Port Irene iti Santa Ana, banag a pagsasaritaandanto ti Department of Transportation. (Liezle Basa Iñigo/Manila Bulletin//Lito Hilidon/Bannawag)
