Dinayyeg ti magnitude 7.5 a ginggined ti Davao Oriental itay 9:43 iti agsapa, Oktubre 10, kuna ti Philippine Institute of Volcanology and Seismology (Phivolcs).
Segun iti Phivolcs, adda ti epicenter ti ginggined iti 44 a kilometro iti amianan a daya ti Manay, Davao Oriental iti kauneg a 20 kilometro.
Maibasar iti Earthquake Information No. 2 ti Phivolcs narikna dagiti napigsa a ginggined kadagiti nadumaduma a lugar, kas sumaganad:
Intensity V iti Hinunangan (Southern Leyte); Siudad ti Gingoog (Misamis Oriental); Nabunturan (Davao de Oro); Siudad ti Davao (Davao del Sur); Santa Maria (Davao Occidental); Siudad ti Kidapawan (Cotabato); Alabel ken Malungon (Sarangani); Siudad ti Koronadal ken Tupi (South Cotabato);
Napolcom: Torre, maibilang a naglusulos; Nartatez, agbalin a 4-star a heneral
Intensity IV iti Siudad ti Cebu (Cebu); Sulat (Eastern Samar); Abuyog, Alangalang, Dulag, ken Hilongos (Leyte); Hinundayan, Silago, ken Sogod (Southern Leyte); Kalilangan, Siudad ti Malaybalay, ken San Fernando (Bukidnon); Siudad ti Cagayan de Oro (Misamis Oriental); siudad ti Digos, Magsaysay, ken Matanao (Davao del Sur); M’lang ken Magpet (Cotabato); Glan, Kiamba, Maitum, ken Malapatan (Sarangani); Banga, Polomolok, ken Tampakan (South Cotabato); Siudad ti General Santos (South Cotabato); Columbio ken Palimbang (Sultan Kudarat); Siudad ti Cabadbaran (Agusan del Norte); Siudad ti Surigao (Surigao del Norte); Siudad ti Bislig (Surigao del Sur).
Kuna ti Phivolcs a tectonic, wenno panaggaraw ti active fault iti lugar ti nakaigapuan ti ginggined.
Namakdaar ti Phivolcs iti posible nga pannakadadael ken aftershock. (Ellalyn De Vera-Ruiz/Manila Bulletin//Lito Hilidon/Bannawag)
