Nalasatan ti Kamara ti nariribuk a panagbaliw iti liderato iti tengnga ti Kongreso tapno maipasada ti ₱6.793 a trilion a General Appropriations Bill (GAB) wenno ti singasing a badiet para iti 2026 iti naituding a tiempo.
Babaen ti botos a 287, naanamongan iti maikatlo ken maudi a pannakaibasana ti House Bill (HB) No.4058, wenno ti 2026 GAB, iti plenario ti Kamara ita nga aldaw, Oktubre 13.
Adda 12 a kameng ti Kamara a saan nga immanamong, idinto a saan a nagbotos (abstain) ti dua, isu nga indeklarar ni presiding officer Deputy Speaker Ilocos Sur 2nd district Rep. Kristine Singson-Meehan ti pannakaanamong ti badiet para iti 2026.
Dakdakkel ti 2026 GAB ngem iti 2025 a badiet nga aggatad iti ₱6.326 a trilion, a kadakkelan a badiet iti historia ti pagilian.
Mapukpukaw a nobia, nasarakan iti Pangasinan
Aginana ti Kamara ken Senado iti makabulan, kalpasan ti plenary session ita nga aldaw. (Ellson Quismorio/Manila Bulletin//Lito Hilidon/Bannawag)
