Naladaw ni Cavite 4th district Rep. Francisco "Kiko" Barzaga iti hearing ti Committee on Ethics and Privileges ti Kamara a naangay ita nga aldaw, Oktubre 13.
Ngem saan a ti naangay a rali iti Makati City idi rabii (Oktubre 12) ti nakaigapu iti pannakaladawna, no di ket ti saanna a pannakaturog gapu iti panagay-ayamna iti video games.
"Nalpasen ti hearing idi simmangpetak, awanak idiay, diak nakasaon," kuna ni Barzaga iti maysa nga interbiu itay agsapa ti Lunes iti ruar ti Andaya Hall ti Kongreso, a nakaangayan ti hearing ti House Committee on Ethics.
Segun ken ni Barzaga, nalpasen a nataming dagiti reklamo a maibusor kenkuana idi makasangpet.
Mapukpukaw a nobia, nasarakan iti Pangasinan
Saan a nalawag no ania nga oras a simrek ni Barzaga iti Andaya Hall, ngem kunana nga awan ti inaramidna sadiay ken pinakaammuanda ti maipanggep iti mediation ta adda sub-committee para iti daytoy. (Ellson Quismorio/Manila Bulletin//Lito Hilidon/Bannawag)
