Pumigpigsa ti low-pressure area (LPA) iti ruar ti Philippine Area of Responsibility (PAR) ken posible nga agbalin a tropical depression iti las-ud ti 24 agingga 48 nga oras, segun iti Philippine Atmospheric, Geophysical and Astronomical Services Administration (PAGASA) ita nga aldaw, Oktubre 15.
Itay 3:00 iti parbangon, nasaripatpatan ti PAGASA ti LPA iti 1,765 a kilometro iti daya ti amianan a daya ti Mindanao, ken managanan daytoy iti Ramil apaman nga agbalin a tropical cyclone.
Kuna ni PAGASA weather specialist Chenel Dominguez a mabalin nga umasideg ti LPA iti Northern Luzon ket mangyeg iti tudo kadagiti dadakkel a paset ti Luzon iti ngudo ti lawas.
Nupay kasta, adayo latta ti LPA iti pagilian ken mabalin nga agbaliw pay ti turongen daytoy.
Senado, pinasingkedanna ti ₱6.793-trilion a nailian a badiet para 2026
Iti sabali a bangir, ti easterlies, wenno ti napudot nga angin manipud iti Pacific Ocean, ti mangyeg iti tudo iti Metro Manila, Calabarzon, Bicol Region, Eastern Visayas, Isabela, Aurora, Nueva Ecija, Bulacan, Marinduque, Oriental Mindoro, Romblon, Capiz, Aklan, Cebu, ken Bohol.
Ti northeasterly windflow, wenno ti nalamiis nga angin manipud iti amianan a daya, ti mangyeg iti tudo iti Batanes, Cagayan, Apayao, ken Ilocos Norte. (Ellalyn De Vera-Ruiz/Manila Bulletin//Lito Hilidon/Bannawag)
