Pinadayawan ni Presidente Marcos Jr. ni First Lady Liza Araneta-Marcos gapu iti kangrunaan nga akemna iti balligi ti Pasig Bigyang Buhay Muli project, a nangyalat iti 2025 United Nations (UN) Asian Townscape Award, gapu iti naitulong daytoy iti agpaut nga urban development.
Segun ken ni Undersecretary ti Presidential Communications Office (PCO) Claire Castro, opisial a naipakaammo ti pammadayaw iti Inter-Agency Council for the Pasig River Urban Development babaen ti surat ti UN-Habitat office.
Kinompirmar ti UN-Habitat Regional Office for Asia ti naipaay a pammadayaw kalpasan ti deliberasionda a naangay iti Japan idi Septiembre 17, ket pormal a maipresentar iti Hong Kong inton Nobiembre 27.
Ti Pasig Bigyang Buhay Muli project ti maysa kadagiti kangrunaan a proyekto ti Marcos administration, a mangbaliw iti kasasaad ti 25 a kilometro a karayan nga agbalin a naganaygay a lugar a para iti negosio, kultura, ken paglingayan nga addaan iti parke, bike lane, ken pagnaan ti tao.
Marcos, Robredo, nagsarak iti Naga city
Segun ken ni Presidente Marcos, napateg ti akem ti First Lady iti panagbalin ti Pasig River a kas sibibiag a simbolo ti pakairamanan ti amin a pakabigbigan ken natalged a masakbayan ti pagilian. (Argyll Cyrus Geducos/Manila Bulletin//Lito Hilidon/Bannawag)
