Dinayyeg ti magnitude 4.7 a ginggined ti Zambales itay 2:09 iti parbangon, Oktubre 16, segun iti Philippine Institute of Volcanology and Seismology (Phivolcs).
Adda ti epicenter iti 10 a kilometro iti amianan a laud ti Masinloc, Zambales, iti kauneg a 30 a kilometro.
Narikna ti Intensity IV (kalalainganna a pigsana) iti Iba, Zambales; Intensity III (nakapsut) iti Masinloc ken Cabangan, Zambales; Intensity II (apagrikna) iti Botolan ken San Marcelino, Zambales; ken Intensity I (dandani saan a marikna) iti Dinalupihan, Orani, ken Abucay iti Bataan, Guagua (Pampanga), Tarlac City, Bamban, ken Santa Ignacia iti Tarlac, ken Subic, Zambales.
Awan ti ekspektaren ti Phivolcs a dadael wenno aftershock.
Retirado a heneral, nakemmeg gapu iti panangsugsog a mangtippuog iti gobierno
Segun iti Phivolcs, tectonic, wenno pannaggaraw ti active fault, ti nakaigapu iti ginggined. (Ellalyn De Vera-Ruiz/Manila Bulletin//Lito Hilidon//Bannawag)
