Inyusuat ti Philippine Coast Guard (PCG) ken ti gobierno ti Estados Unidos (US) ita nga aldaw, Oktubre 17, ti agbalor ti P140 a milion a programa a mangpatibker iti panagsagana ken kabaelan ti Filipinas a mangipatungpal kadagiti paglintegan iti baybay.
Indauluan da PCG Commandant Adm. Ronnie Gil Gavan ken Embahador ti US iti Filipinas MaryKay Carlson ti panglukat a seremonia a naangay iti bapor ti PCG a BRP Gabriela Silang iti Port Area, Manila.
Agpaut iti tallo a tawen daytoy a programa a mangipaay iti 110 a kurso ken gundaway iti on-the-job training para kadagiti kameng ti PCG kadagiti USCG training center ken dadduma pay a yunit ti US.
Ponduan daytoy ti Bureau of International Narcotics and Law Enforcement Affairs (INL) ti US Department of State ket yimplementar ti US Coast Guard (USCG).
Senado, pinasingkedanna ti ₱6.793-trilion a nailian a badiet para 2026
Iti sabali a bangir, 60 a pormal a kurso ken pannakiuman kadagiti subject matter expert ti maangay iti Filipinas tapno agbalin a naan-anay ti kabaelan ti PCG.
Kinuna da Gavan ken Carlson a paset daytoy ti pannakapatibker ti panagtinnulong ti Filipinas ken US iti pannakaitantudo ti nawaya ken silulukat nga Indo-Pacific region. (Martin Sadongdong/Manila Bulletin//Lito Hilidon/Bannawag)
