Impakita dagiti kameng ti Philippine Marine Corps (PMC) ken United States Marine Corps (USMC) ti pumigpigsa a panagtinnulong ken kabaelanda a mangsalaknib iti baybay babaen ti joint maritime strike a naangay iti headquarters ti 4th Marine “Makusug” Brigade (4MBDE) iti Burgos, Ilocos Norte idi Oktubre 17.
Paset daytoy ti Marine Air Support Activity 2025 (MASA 25), ti nasaknap a bilateral training program ti PMC ken USMC a nabukel tapno mapapigsa ti panagtinnulong, kinasagana, ken koordinasion iti operasion iti tangatang ken baybay.
Nakipaset ti 4MBDE ti PMC, ti 15th Marine Expeditionary Unit ti USMC, ti Naval Air Wing ti Philippine Navy (NAW, PN), ken ti Philippine Air Force (PAF) iti daytoy a panagsanay.
Segun iti PMC, ti balligi ti programa a MASA ti mangipakita iti napaut ken natibker nga aliansa ti Filipinas ken US a naibasar iti 1951 Mutual Defense Treaty (MDT). (Martin Sadongdong/Manila Bulletin//Lito Hilidon/Bannawag)
