Inlawlawag ti Department of Health (DOH) idi Oktubre 19 nga awan ti baro wenno kakarna a virus nga agraraira iti pagilian, ket impaganetgetda a ti yaadu iti kaso ti sakit iti bara ket gapuanan ti seasonal flu.
Kinuna daytoy ti DOH kalpasan ti pammilin ti Quezon Provincial Government nga inkapilitan a panagusar iti face mask iti ruar ken iti uneg dagiti lugar a saan a mabalin ti physical distancing, gapu iti yaadu ti kaso ti sakit kas iti uyek, panateng, ken pulmonia.
Segun iti DOH adda karbengan dagiti local government unit (LGU) a mangikeddeng iti pamuspusan it panagsalaknib itisalun-at iti lugarda, kas sagudayen ti Republic Act No. 11332.
Kuna ti DOH a ti rekomendasion ti gobierno probinsial ti Quezon ket naibasar iti datos ken ebidensia, ket dinagadagda ti publiko a tungpalenda dagiti naibilin a pangsalaknib iti salun-at bayat ti tiempo ti trangkaso.
Mapukpukaw a nobia, nasarakan iti Pangasinan
Innayon ti DOH nga awan ti baro wenno karkarna a virus nga agraraira, ta dagiti Influenza A, Rhinovirus, ken Enterovirus ti makaigapu kadagiti umad-adu a kaso ti influenza-like illnesses (ILI) iti pagilian. (Jel Santos/Manila Bulletin//Lito Hilidon/Bannawag)
