Pito a bulan kalpasan a naluktan ti immuna a nairingpas a pasetna, linuktan ni President Marcos Jr. ti baro a paset ti Pasig River Esplanade manipud iti Manila Central Post Office agingga iti Arroceros Park.
Indauluanda ken ni First Lady Liza Araneta-Marcos ti pananglukat iti 530 a metro a paset ti Pasig River Esplanade idi Domingo, Oktubre 19.
"Pito a bulan laeng kalpasan ti pannakalukat ti Phase 3 iti Intramuros, makitatayo itan ti Phase 4 ti Pasig River Urban Development Project," kinuna ni Marcos.
Segun iti presidente, mairaman iti Phase 4 ti pagnaan dagiti tao, bike lane, lugar a para iti negosio, ken rangtay.
Diosdado Banatao, 76, Cagayano a computer genius, entrepreneur, pimmusay
Impalgak ni Marcos ti dadduma pay a planoda kas iti panagusar iti baro a teknolohia a tumulong a mangdalus iti Pasig River, ken panagusar ti electric ferry para iti transportasion iti Pasig River a mangrugin inton Nobiembre. (Betheena Unite/Manila Bulletin//Lito Hilidon/Bannawag)
