Inyusuat ni Presidente Ferdinand R. Marcos Jr. ita nga aldaw, Oktubre 21, ti baro a unified RFID (radio frequency identification) system a mayimplementar kadagiti amin nga expressway iti Luzon tapno agbalin a naanayas ti operasion ken panagbiahe.
Naangay ti seremonia iti panaglukat ti Toll Collection System Interoperability Project a napauluan iti "One RFID, All Tollways” iti South Luzon Expressway (SLEX) Toll Operation Building iti Sitio Latian, Calamba City, Laguna.
Segun ken ni Marcos, kissayan ti unified RFID ti pananakatikaw ken pannakaitantan dagiti motorista ken mangpukaw iti pannakariro gapu iti dua nga RFID system nga usaren dagiti agbibiahe iti Metro Manila Skyway, Tarlac-Pangasinan-La Union Expressway (TPLEX), North Luzon Expressway (NLEX), ken Subic-Clark-Tarlac Expressway (SCTEX).
Gapu iti unified RFID, maysa laengen nga RFID account ti usaren para kadagiti amin a toll expressway iti Luzon. (Ruth Abbey Gita-Carlos/PNA//Lito Hilidon//Bannawag)
