Dakkel ti posibilidad nga agbalin a bagyo ti low-pressure area (LPA) a nasaripatpatan iti amianan ti Batanes, segun iti Philippine Atmospheric, Geophysical and Astronomical Services Administration (PAGASA) ita nga aldaw, Oktubre 22.
Kinuna ni PAGASA weather specialist Loriedin de la Cruz-Galicia nga adda ti LPA iti 370 a kilometro iti amianan-amianan a daya ti Itbayat, Batanes itay 3:00 iti parbangon.
No agbalin a naan-anay a bagyo daytoy ket lumas-ud iti Philippine Area of Responsibility (PAR), managanan daytoy iti “Salome.”
Mabalin nga umasideg wenno agdisso ti nasao nga LPA iti Batanes ita a rabii wenno agsapa ti Huebes (Oktubre 23), sakbay nga agpa-abagatan a tuparenna ti Ilocos Norte. (Ellalyn De Vera-Ruiz/Manila Bulletin//Lito Hilidon/Bannawag)
