Nagballaag ni Presidente Marcos Jr. a maibusor iti iresponsable a panagminas, ket inyunay-unayna a masapul a pagnumaran, saan nga agbalin a pakadagsenan, dagiti komunidad daytoy.
Iti panagbitlana iti maang-angay a Mining Philippines 2025 International Conference and Exhibition ita nga aldaw, Oktubre 22, inlungalong ni Marcos ti responsable a panagminas, ket impaganetgetna nga iti tunggal operasion ti panagminas, masapul a maitunos iti tulag a panangsaluad iti aglawlaw, kas iti Paris Agreement ken ti Philippine Energy Plan.
Segun ken ni Marcos, dagiti kinabaknang manipud iti daga ket masapul nga agbalin a pasdek ti pagadalan, ospital, ken kalsada a mangitunda kadagiti tattao kadagiti oportunidad.
Kuna ni Marcos a karbengan dagiti Filipino a maammuan no kasano a maiwarwardas dagiti rekursosda, isu a papigsaen pay ti gobierno ti tranparensia ken pannakadusa dagiti naglabsing iti sektor.
Mapukpukaw a nobia, nasarakan iti Pangasinan
Innayon ni Marcos a masapul ti agtultuloy a panangallukoy kadagiti agpuonan iti pagilian a mangraem kadagiti paglintegan iti probinsia, umili, ken ti aglawlaw. (Betheena Unite/Manila Bulletin//Lito Hilidon/Bannawag)
