Agsagsaganan ti Philippine National Police (PNP) a mangiwaras iti 25,000 a polis nga agbantay iti pannakaselebrar ti All Saints’ Day inton Nobiembre 1, ken All Souls’ Days inton Nobiembre 2.
Kinuna ni acting PNP chief Lt. Gen. Jose Melencio Nartatez, Jr. a binilinna dagiti police commander a tumulong iti panagtalinaed ti talna ken urnos para iti kinatalged ti publiko manipud kadagiti pagluganan agingga kadagiti kamposanto ken memorial park.
"Nakaalerto ti entero a PNP a mangbantay iti publiko a mangrambak iti Undas 2025. Kayatna a sawen, sisasaganada nga agresponde iti ania man a pasamak iti ania man nga oras," kinuna ni Nartatez.
Segun ken ni Nartatez, awan ti naidanon kadakuada nga agbalin a pangta iti seguridad, ngem dina kayat a sawen nga saandan nga agridam.
Mapukpukaw a nobia, nasarakan iti Pangasinan
Agdagup iti 5,293 a police assistance desks (PAD) ti maisaad iti entero a pagilian tapno matulongan dagiti agbibiahe ken agresponde kadagiti emerhensia.
Pinakdaaranna ketdi ti publiko nga agridamda kadagiti babassit a krimen kas iti panagtakaw ken panangsipdut iti petaka, a gagangay a mapasamak kadagiti lugar nga adu ti tao. (Aaron Recuenco/Manila Bulletin//Lito Hilidon/Bannawag)
