Binilin ti Office of the Ombudsman (OMB) ti National Bureau of Investigation (NBI) nga imbestigarenda ti uram a napasamak iti opisina ti Department of Public Works and Highways (DPWH) iti Quezon City, ita nga aldaw, Oktubre 22.
Segun ken ni Assistant Ombudsman Jose Dominic Clavano IV, kayat nga ammuen ni Ombudsman Jesus Crispin Remulla no naigagara wenno aksidente ti uram.
Maim-imbestigar dagiti sumagmamano nga empleado ti DPWH mainaig iti naanomalia a flood control project nga aggatad iti binilion a pisos.
Imbilin ti OMB ti napardas a koordinasion iti NBI ken ti Bureau of Fire Protection (BFP) tapno maammuanda no ania ti makagapu iti uram tapno maikeddengda no arson wenno naigagara ti pannakauram daytoy.
DOH, namakdaar iti posible a pannakadangran iti Traslacion
Nangrugi ti uram idi 12:30 ti aldaw ken dimmanon iti maikatlo nga alarma iti 12:56 ti aldaw, sakbay nga indeklarar ti BFP-National Capital Region a naiddepen ti uram idi 1:34 iti malem. (Czarina Nicole Ong Ki/Manila Bulletin//Lito Hilidon/Bannawag)
