Masapul a tungpalen ti Kamara ti annongenda a mangtaming iti kinakurang dagiti public attorney a tumulong kadagiti marigrigat babaen ti pannakabukel iti scholarship program para kadagiti agarapaap nga agbalin nga abogado a mangipaay iti serbisioda kadagiti institusion ti gobierno.
Daytoy ti kinuna ni Parañaque City 2nd district Rep. Brian Raymund Yamsuan a nangisurat iti gakat a House Bill (HB) No.5242 wenno ti “Abogado Para Sa Bayan Act.”
Maibasar iti gakat ni Yamsuan, maikkan iti full scholarship dagiti kualipikado nga estudiante iti abogasia a kas kasukat ti panagserbida iti di kumurang a dua a tawen iti Public Attorney’s Office (PAO) ken dadduma pay nga ahensia ti gobierno.
Iti sabali a bangir, dagiti nagbalin a benipisiario a saan a nakapagserbi iti gobierno ket mabalinda a bayadan ti balor ti scholarship, wenno mangaramid iti dadduma pay a compliance program nga ikeddeng ti Legal Education Board (LEB).
Senado, pinasingkedanna ti ₱6.793-trilion a nailian a badiet para 2026
"Saan a nalaka ti mangala iti kinaabogado. Adu ti estudiante a mabalin nga abogado ngem lapdan ida ti kinaawan ti pinansial a kabaelanda," kinuna ni Yamsuan. (Ellson Quismorio/Manila Bulletin//Lito Hilidon/Bannawag)
