Pinatalgedan ti Filpinas ken Japan ti nasinged a panagkaduada iti depensa, ekonomia, ken panagtinnulong iti rehion bayat ti naangay nga umuna a bilateral meeting da Presidente Marcos Jr. ken ti baro a prime minister ti Japan a ni Takaichi Sanae, iti panagsarakda iti maika-47 nga Association of Southeast Asian Nations (ASEAN) Summit and Related Summits iti Malaysia idi Oktubre 26.
Bayat ti panagsaritada, personal a kinablaawan ni Marcos ni Takaichi iti pannakapilina, ket namnamaenna ti nasingsinged pay a panagtinnulongda bayat a sagsaganaanda ti maika-70 nga anibersario ti pannakaisubli ti diplomatic relation-da inton 2026.
Inanamongan dagiti dua a daulo ti pannakapatibker ti panagkadua ti Filipinas ken Japan tapno matungpal ti “Free and Open Indo-Pacific” ken maitandudo ti talna ken talged iti rehion.
Nagkumit dagiti dua a daulo iti naan-anay a koordinasion manaig kadagiti karit iti rehion -- agraman ti South China Sea, ti pangta ti North Korea a nuclear ken missile, ti krisis iti Myanmar, ken ti kinatalged iti nagbedngan ti Cambodia ken Thailand.
National Guard ti Minnesota, nagtignay kalpasan ti panangpaltog ti federal immigration officer iti maysa a lalaki a nars
Iti beddeng ti ekonomia, inyebkas ni Prime Minister Takaichi ti panggep ti Japan a mangpapigsa iti ekonomia ti Filipinas babaen ti impraestruktura ken seguridad iti taraon, agraman dagiti alikamen a mangpasayaat iti pannakaproseso ti maapit nga irik. (Argyll Cyrus Geducos/Manila Bulletin//Lito Hilidon/Bannawag)
