Impasigurado ni Ombudsman Jesus Crispin C. Remulla iti publiko ita nga aldaw, Oktubre 27, a nasayaat ti kasasaad ti salun-atna ken kabaelanna a tungpalen ti annogenna "iti amin a pigsa ken dedikasion."
Daytoy ti sungbat ni Remulla kadagiti maseknan iti salun-atna kalpasan ti panagpaagasna iti sakit a leukemia, maysa a kanser ti dara.
Segun ken ni Remulla, awanen ti kanserna kalpasan ti naballigi a panagpaagasna iti nasurok a makatawen, ken binigat nga agwatwat sakbay a mapan iti opisinana, tapno agtalinaed a nasalun-at ti biagna.
Inlawlawag ni Remulla a nagpapaagas ken naimbaganen ti sakitna sakbay ti pannakadutokna a kas Ombudsman.
Mapukpukaw a nobia, nasarakan iti Pangasinan
Impasigurado ni Remulla iti publiko a napinget ti Ombudsman a mangidarum tapno madusa dagiti karaman iti naanomalia a flood control project. (Czarina Nicole Ong Ki/Manila Bulletin//Lito Hilidon/Bannawag)
