Kinompirmar ti Philippine Air Force (PAF) ita ng aaldaw, Oktubre 27, a nagdisso ti eroplano nga E4B NightWatch, wenno ti "Doomsday Plane" ti United States Air Force (USAF), iti Ninoy Aquino International Airport (NAIA) para iti apagbiit a panaginanada.
Segun ken ni panakangiwat ti PAF Col. Ma. Christina Basco,s immangpet ti E4B idi Oktubre 26, ken nagtalinaed iti agpatnag tapno agkarga iti gasolina ken aginana dagiti tripulante ti eroplano.
Kinunana nga adda diplomatic clearance ti simmangpet nga eroplano, ngem saan a mainaig iti ania man nga isasarungkar ti nangato nga opisial ti US.
Agpapaay ti E-4B Nightwatch kas National Airborne Operations Center a mangted iti natalged a pammilin, panangtimon, ken komunikasion para iti presidente ti US, Secretary of Defense, ken Joint Chiefs of Staff iti panawen ti emerhensia wenno no nadadaelen dagiti ground command center.
Mapukpukaw a nobia, nasarakan iti Pangasinan
Nupay awan ti pakainaigan daytoy iti isaarungkar ti asino man nga opisial ti US, maipalagaip nga adda ni US President Donald Trump iti Kuala Lumpur, Malaysia para iti maang-angay a 47th ASEAN Summit and Related Summits, a dinar-ayan met ni Presidente Marcos Jr. (Martin Sadongdong/Manila Bulletin//Lito Hilidon/Bannawag)
