Nasarakanen ti maikalima a bangkay dagiti nairaman a natay gapu iti pannakatnag ti trakda iti Chico River iti Barangay Tocucan iti Bontoc, Mountain Province.
Nabigbig ti biktima a ni Edmund Magaway Romeo, 22, a taga-San Nicolas, Pangasinan, a nasarakan ti bangkayna iti 4:38 iti malem idi Oktubre 29.
Immuna a nasarakan ti bangkay ti uppat pay a biktima a da Carlo Ancheta, Rogelio Romeo dela Cruz Jr., JC Aquino Galicia, ken Zoren Jay Luaso Alat.
Agturongda iti maysa a construction site iti Mountain Province idi Oktubre 27 idi naaksidenteda.
Mapukpukaw a nobia, nasarakan iti Pangasinan
Naangay ti misa iti lugar a nakatnaganda, para iti panagtalna ti kararua dagiti biktima, pangandingay kadagiti pamiliada, ken nadiosan a pannakaiwanwan dagiti kameng ti Bontoc Municipal Disaster Risk Reduction Management Office (MDRRMO). (Zaldy Comanda/Manila Bulletin//Lito Hilidon/Bannawag)
