Wanwanawanan ti Philippine Atmospheric, Geophysical and Astronomical Services Administration (PAGASA) ti maysa a low-pressure area (LPA) nga adda iti 1,515 a kilometro iti daya ti amianan a daya ti Mindanao, a posible nga agbalin a tropical cyclone kadagiti sumaruno nga al-aldaw.
Segun ken ni PAGASA weather specialist Chenel Dominguez ita nga aldaw, Oktubre 30, nababa ti posibilidad nga agbalin a bagyo ti LPA iti sumaruno a 24 nga oras, ngem dumakkel ti posibilidad daytoy kadagiti mapasungad nga aldaw.
Kuna ni Dominguez a mabalin a sumrek ti LPA iti Philippine Area of Responsibility (PAR) inton Domingo (Nobiembre 2) wenno Lunes (Nobiembre 3).
Inlawlawag ni Dominguez dagiti dua a mabalin a maaramid iti pangtignay ti LPA.
Mapukpukaw a nobia, nasarakan iti Pangasinan
Umuna, no agpa-amianan a laud ti LPA, saan nga agtignay wenno naginad ti panagtignayna iti Philippine Sea, ket mabalin nga agdisso iti Northern Luzon inton Nobiembre 9.
Maikadua, no agpalaud-amianan a laud ket mabalin nga agdisso iti Eastern Visayas inton Nobiembre 4.
Apaman nga agbalin a tropical cyclone ti LPA iti PAR, managanan daytoy iti “Tino.” (Ellalyn De Vera-Ruiz/Manila Bulletin//Lito Hilidon/Bannawag)
