Dua a polis ti natay iti uneg ti opisina ti Abra Police Provincial Office Provincial Explosives and Canine Unit (PECU) iti Casamata Hill iti ili ti Bangued, Abra, idi rabii ti Lunes, Nobiembre 10.
Binigbig ti Bangued Municipal Police Station ti umuna a natay a ni Police Staff Sgt. O'Neal Ryan Calica .
Segun iti imbestigasion, simmangpet ni Calica iti opisina ket napan iti kosina. Rimmuar iti kuartona ni Police Lt. Jamieson Bulatao, PECU officer-in-charge, ket pinaltopaltoganna ti kanigid a paset ti barukong ni Calica.
Farm specialist iti Abra, napaltogan
Kalpasanna, pinaturongan ken pinutokan ni Bulatao ti maysa pay a polis, a ni Police Senior Master Sergeant (PSMS) Edwin Bandoc, ngem dina natiruan daytoy.
Bimmales a pimmaltog ni Bandoc ket napuntaanna ti barukong ni Bulatao.
Naitaray a dagus da Calica ken Bulatao iti ospital ngem naideklarar a dead on arrival dagitoy.
Agtultuloy pay laeng ti pannakaimbestigar ti insidente tapno maammuan no ania ti motibo ti pammaltog. (Zaldy Comanda/MANILA BULLETIN)
