Adda pay leng iti intensive care unit (ICU) ni Chief Presidential Legal Counsel Juan Ponce Enrile, a pakatamtamingan daytoy gapu iti pulmonia, impalgak ti anakna a ni Katrina Ponce Enrile.
Iti maysa a statement a nairuar ita a Mierkoles, Nobiembre 12, kinuna ni Katrina Ponce Enrile a maipapaay iti dati a senador ti "kasasayaatan a posible a pannakaagas ken atension."
Naipadamag idi Martes, Nobiembre 11, nga adda ni Enrile iti ICU ti maysa nga ospital.
"Sitatalinaed ni tatangko, ni Juan Ponce Enrile, iti ICU a madama a pakatamtaminganna iti pulmonia," kinuna ni Katrina iti paskilna iti Facebook page-na.
Mapukpukaw a nobia, nasarakan iti Pangasinan
"Adda isuna iti dedikado a pannaripato dagiti attending physicians ken medical staff-na a mangipapaay kenkuana iti kasasayaatan a posible a pannakaagas ken atension," innayonna.
Impeksana met panagyamanna kadagiti amin a nangipaay iti kararag ken suport iti pamiliada. (Betheena Unite/MANILA BULLETIN)
