Dinadael ti maysa a babai ti sumagmamano a rebulto ken alikamen a para iti liturhiko iti Saints Peter and Paul Parish Church iti Calasiao, Pangasinan idi malem ti Huebes, Nobiembre 13.
Segun iti maysa nga empleado ti simbaan, simrek ti babai nga agnagan iti Julie, 44, ket dinadaelna dagiti rebulto, babaen ti iggemna a kayo a baston, nga awan met ti ammoda a makaigapu.
Nadadael dagiti rebulto ti Mary Help of Christians, Saint Jude, Santo Niño (Child Jesus), Sacred Heart of Jesus, ken Immaculate Heart of Mary, kasta met ti pulpito, pagtakderan ti kandela, sarming a nagyanan ti relikia da San Pedro ken San Pablo, stand ti mikropono, stand ti sabong, bassit a kampana, ken ti stand ti kandela para iti rebulto ti Christ the King.
Impulong ti simbaan daytoy kadagiti polis ket kinemmegda ti babai. Nakaditene ita ti babai iti custodial facility ti Calasiao police. (Liezle Basa Iñigo/Manila Bulletin//Lito Hilidon/Bannawag)
