Saan nga inanamongan ti Korte Suprema (SC) ti kiddaw ni Senador Ronald “Bato” Dela Rosa a bilinenda koma ni Ombudsman Jesus Crispin C. Remulla a mangted iti kopia ti warrant of arrest a maipagarup a naggapu iti International Criminal Court (ICC) kontra iti senador.
Iti maysa a resolusion nga inruar ti SC ita nga aldaw, Nobiembre 18, binilin ti SC ni Ombudsman Remulla, ti Department of Foreign Affairs (DFA), ken ti Department of Justice (DOJ) nga agkomentarda iti kiddaw ni Dela Rosa, iti las-ud ti sangapulo nga aldaw manipud pannakaawatda iti pammilin ti SC.
Saan met nga inanamongan ti SC ti kiddaw ni Dela Rosa a bilinen ti SC ti DFA ken ti DOJ a mangisubmiterda iti sertipikasion a mangpasingked no adda wenno awan ti arrest warrant manipud iti ICC.
Idi Nobiembre 12, nangipila ni Dela Rosa iti urgent motion iti SC a nagkiddaw a bilinen ti SC ti Ombudsman ken dati a Justice Secretary Remulla a mangisubmiter iti kopia ti warrant of arrest ti ICC kontra iti senador.
Senado, pinasingkedanna ti ₱6.793-trilion a nailian a badiet para 2026
Ngem sakbay daytoy, imbagan ni Remulla nga awan ti iggemna a kopia ti arrest warrant ti ICC iti selponna. (Rey G. Panaligan/Manila Bulletin//Lito Hilidon/Bannawag)
