Manamnama a maluktan ti Piggatan Detour Bridge iti Alcala, Cagayan inton Disiembre, isu a saan nga agsarday ti panagtrabaho dagiti inheniero tapno ditoyton nga agdalan dagiti lugan, kalpasan a marpuog ti orihinal a rangtay.
Daytoy ti impalgak ti Department of Public Works and Highways (DPWH) ita nga aldaw, Nobiembre 20, a nangiwaragawaganda a 80 a porsiento ti detour bridge ti nalpasen.
Agtultuloy ti panagtrabaho dagiti trabahador ti rangtay tapno mabalinen nga usaren dagiti motorista ken agbibiahe ti detour bridge bayat a maisagsagana ti pannakaibangon ti baro a Piggatan Bridge.
Manamnama a palag-anen ti detour bridge ti pannakaibiahe dagiti produkto, serbisio, pasahero, ken dagiti residente a naapektaran.
Mapukpukaw a nobia, nasarakan iti Pangasinan
Narsuod ti orihinal a Piggatan Bridge idi Oktubre 6 kalpasan a naggigiddan a limmabas ti tallo a trak nga agdagsen iti 50 a tonelada, a nakadangran ti pito a tattao. (Trixee Rosel/Manila Bulletin//Lito Hilidon/Bannawag)
