Dinagadag ni Veronica “Kitty” Duterte, a buridek ni dati a presidente Rodrigo Duterte, ti Korte Suprema (SC) a pardasanda koma a risuten dagiti naidatag a petision a nangkuestionar iti legalidad ti pannakaarestar ken pannakaisuko ti amana.
Babaen ti abogadona a ni Salvador Panelo, dinakamat ni Veronica iti apelarna ti agtultuloy a pannakaibalud ti amana, ken ti posible a pannakalabsing dagiti karbengan daytoy nga ipapaay ti Konstitusion.
Itay kallabes, pinagtitipon ti SC dagiti agkakanaig a petision, ngem awan pay ti impaulogda a pangngeddeng.
Idi Marso, kinuna ni Veronica nga agtalinaed a balido ti petisionna para iti pannakawayawaya ti amana uray addan iti ICC daytoy.
Marcos, Robredo, nagsarak iti Naga city
Inkalintegan ni Veronica a mabalin latta a bilinen ti SC dagiti autoridad ti Filipinas a bantayanda ti panagsubli ni Duterte, ken awanen ti hurisdiksion ti ICC iti Filipinas kalpasan a nagikkat ti pagilian iti Rome Statute idi 2019.
Innayon ni Veronica a saan a rumbeng a maliklikan dagti respondent ti petision ti habeas corpus gapu laeng ta awanen iti kustodiada ti amana. (Ivy Tejano/Manila Bulletin//Lito Hilidon/Bannawag)
