Intuding ti Appeals Chamber ti International Criminal Court (ICC) nga iruardan inton Nobiembre 28 ti pangngeddengda iti kiddaw ni dati a presidente Rodrigo Duterte nga interim release.
Segun iti ICC, iruar ti Appeals Chamber ti pangngeddengda inton Biernes (Nobiembre 28), iti 5:30 iti malem.
Iti pangngeddeng ti Pre-trial Chamber idi Oktubre 10, saanda a pinatgan dagiti “Urgent Request for Interim Release” ken “Renewed Request for Interim Release" nga impila dagiti ti abogado ni Duterte, ta masapul a maiditene ni Duterte kas maitunos iti Article 60(2), ken iti rikititos ti Article 58(1) ti Rome Statute.
Saan met nga inawat ti ICC ti panangdakamat ti depensa iti kaasi, ket impaganetgetda a saan a rimbawan ti humanitarian factor ti legal a pagalagadan para iti pre-trial detention. (Argyll Cyrus Geducos/Manila Bulletin//Lito Hilidon/Bannawag)
