Sisasagana ni Leyte 1st district Rep. Martin Romualdez a mangsango kadagiti kaso a mabalin nga ipila ti Office of the Ombudsman (OMB) kontra kenkuana, kas iti plunder, graft, ken indirect bribery mainaig iti kontrobersial a flood control project.
Daytoy ti kinuna ni Romualdez kalpasan nga inrekomendar ti Independent Commission for Infrastructure (ICI) ken Department of Public Works and Highways (DPWH) a maidarumda ken dati nga Ako Bicol Party-list Rep. Zaldy Co iti nadakamat a kaso.
Impanagetget ni Romualdez a nakasagana a makikooperar iti ICI, idinto a nagtulnog isuna idi paayaban ti ICI.
Ngem inaklon ni Romualdez, a presidente ti Lakas-Christian Muslim Democrats (Lakas-CMD), a naklaat daytoy iti nagtungpalan dagiti pasamak, nangruna idi impalgak ni Presidente Marcos Jr. daytoy iti social media account-na.
Mapukpukaw a nobia, nasarakan iti Pangasinan
Idi laeng napan a lawas, dinakamat ni Marcos ti kinakurang ti ebidensia a maibusor ken ni Romualdez -- a mismo a kasinsinna -- no maipapan kadagiti naanomalia a flood control project. (Ellson Quismorio/Manila Bulletin//Lito Hilidon/Bannawag)
