Awan pay ti naawat ti Department of Foreign Affairs (DFA) a pammilin ti korte mainaig iti pannakakanselar ti pasaporte ni dati a kongresman Zaldy Co.
Daytoy ti impalgak ti DFA idi Nobiembre 21, ket kinunada nga aggapu iti pammilin ti korte ti karbenganda a mangwaswas iti pasaporte ti maysa nga umili.
Maibasar iti Section 4 ken 10 ti Republic Act 11983 wenno ti New Philippine Passport Act, mabalin laeng a kanselaren ti DFA ti pasaporte babaen ti bileg ti court order nga impaulog ti korte.
Kinompirmar ni Presidente Marcos Jr. idi Nobiembre 21 nga addan ti arrest warrant a maibusor ken ni Co, ken kadagiti 17 nga opisial ti Department of Public Works and Highways (DPWH) ken Sunwest Corp.
Senado, pinasingkedanna ti ₱6.793-trilion a nailian a badiet para 2026
Adda ita ni Co iti ballasiw-taaw, kas kinuna ti abogadona, ket saan pay nga agsubli iti pagilian gapu iti pangta iti biagna. (Joyce Ann L. Rocamora/PNA//Lito Hilidon/Bannawag)
