Nangbukelen ti National Bureau of Investigation (NBI) iti maysa a grupo a mangipatungpal iti warrant of arrest nga impaulog ti Sandiganbayan kontra ken ni dati a kongresman Zaldy Co, ken dagiti 17 pay a naidarum gapu iti naanomalia a flood control project nga agbalor iti ₱289.5 a milion iti Naujan, Oriental Mindoro.
Awan ni Co iti pagilian ngem naipadamag a nakitada daytoy iti Japan. Pimmanaw ni Co iti Filipinas idi Hulio, ket saan pay a nagsubli agingga ita.
Mabalin a kemmegen ti gobierno ti Filipinas ni Co no makanselar ti pasaportena, ken maipaulog ti red notice kontra kenkuana manipud iti International Criminal Police Organization (Interpol).
Malaksid iti warrant of arrest, nangipaulogen ti tallo a dibision ti Sandiganbayan iti hold departure order (HDO) gapu kadagiti kaso nga impila ti OMB.
Retirado a heneral, nakemmeg gapu iti panangsugsog a mangtippuog iti gobierno
Dinayaw ni NBI Officer-in-Charge Angelito DLP Magno ti napardas a pannakaipaulog ti arrest warrant ken HDO kontra ken ni Co ken kadagiti 17 pay a naidarum.
Kinuna ni Magno a binaonnan ti grupo a mangipatungpal iti warrant of arrest ken mangipakat iti sibubukel a bileg ti linteg, tapno sumangoda iti publiko. (Czarina Nicole Ong Ki/Manila Bulletin//Lito Hilidon/Bannawag)
