Mamati ti kampo ni Leyte 1st district Rep. Martin Romualdez a patas ti panagimbestigar ti Independent Commission for Infrastructure (ICI) uray no idarumda ti dati a daulo ti Kamara.
Daytoy ti kuna ti abogado ni Romualdez a ni Atty. Ade Fajardo, ket impalgakna nga awan ti inruar ti ICI a konklusion a nakabasol wenno nakipaset ni Romuladez iti rekomendasionda iti Office of the Ombudsman (OMB).
Segun ken ni Fajardo, bigbigenda ti rekomendasion nga indatag ti ICI iti OMB idi Nobiembre 21 ken ti pannakairingpas ti ICI iti imbestigasion daytoy.
Kinuna ni Fajardo a nairaman iti dokumento nga indatag ti ICI dagiti ebidensia nga impresentar ti kampo ni Romualdez, kas iti sworn affidavit, complete transcript, ken ti sibubukel nga audio-video recording ti idadar-ayna iti panangimtuod ti ICI idi Oktubre 14.
Marcos, Robredo, nagsarak iti Naga city
Kinuna ni Fajardo nga iti rekomendasion nga indatag ti ICI iti OMB, awan ti dinakamatda a nakabasol wenno adda rumbeng a sungsungbatan ni Romualdez.
Agtalek ti kampo ni Romualdez nga aramiden ti Ombudsman ti agwaywayas, napinget ken patas a panangtingitingna kadagiti naidatag nga ebidensia. (Ellson Quismorio/Manila Bulletin//Lito Hilidon/Bannawag)
