Addan iti kustodia ti gobierno ti pito kadagiti 16 a kakadua ni dati nga Ako Bicol Rep. Zaldy Co a naidarum gapu iti naanomalia a flood control project, segun ken ni Presidente Ferdinand R. Marcos Jr., ita nga aldaw, Nobiembre 24.
Inallukoy ni Marcos dagiti dadduma pay a nairadum a di pay nakemmeg a sumukodan.
Segun ken ni Marcos, maysa kadagiti suspek ti kinemmeg dagiti operatiba ti National Bureau of Investigation (NBI), idinto a boluntario a simmuko iti Philippine National Police–Criminal Investigation and Detection Group (PNP-CIDG) dagiti innem.
Dua ti nangipakaammo a kayatdan ti sumuko iti mabiit.
DOH, namakdaar iti posible a pannakadangran iti Traslacion
Kadagupanna, pito a suspek ti naiditene, dua ti agsagsaganan a sumuko, idinto a pito - a pakairamanan ni Co - ti di pay nagpakaammo.
Binallaagan ni Marcos dagiti saan pay a nakemmeg a suspek a sumukodan, ket saandan nga urayen a sapulen ida dagiti autoridad. Innayon ni Marcos a madusa ti asino man a mangilemmeng kadagiti suspek.
Agtalinaed iti kustodia ti NBI dagiti naarestar ken simmuko a suspek, bayat a nakapila ti kasoda iti korte. (Darryl John Esguerra/PNA//Lito Hilidon/Bannawag)
