Impakdaar ti Philippine Atmospheric, Geophysical and Astronomical Services Administration (PAGASA) ita nga aldaw, Nobiembre 24, a mangpataud iti bayakabak ken napigsa nga allon ni Tropical Depression "Verbena" iti nadumaduma a paset ti pagilian.
Nasaripatpatan ti PAGASA ti sentro ni Verbena iti 330 a kilometro iti daya ti Surigao City, Surigao del Norte.
Agpigsa ni Verbena iti 45 a kilometro kada oras iti asideg ti sentrona, ken pugso nga agingga iti 55 a kilometro kada oras, ket agpalaud iti kapardas a 30 a kilometro kada oras.
Ekspektaren ti PAGASA nga agdisso ni Verbena iti amianan a daya a paset ti Mindanao ita nga aldaw wenno malem, sakbay nga agturong iti Visayas ken amianan a Palawan, ken rummuar iti West Philippine Sea inton Mierkoles, Nobiembre 26.
Retirado a heneral, nakemmeg gapu iti panangsugsog a mangtippuog iti gobierno
Kinuna ti PAGASA a mabalin a pumigsa ni Verbena sakbay a makadanon iti Mindanao, ngem agtalinaed latta daytoy a kas tropical depression bayat a lumabas iti pagilian. (Ellalyn De Vera-Ruiz/Manila Bulletin//Lito Hilidon/Bannawag)
