Rimmuaren ni Bagyo Verbena (international name: Koto) iti Philippine Area of Responsibility (PAR) ita nga aldaw, Nobiembre 27, kuna ti Philippine Atmospheric, Geophysical and Astronomical Services Administration (PAGASA).
Itay 8:00 ti agsapa, nasaripatpatan ti PAGASA ni Verbena iti 240 a kilometro iti amianan ti Pag-asa Island, Palawan, nga agpigsa iti 140 a kilometro kada oras iti asideg ti sentrona ke pugso nga agingga iti 170 kilometro kada oras.
Agpalaud-amianan a laud iti kaprdas a 20 a kilometro kada oras.
Nagtalinaed iti Tropical Cyclone Wind Signal No. 1 ti Kalayaan Islands ta mabalin nga adda latta napigsa nga angin iti dayta a lugar.
Marcos, Robredo, nagsarak iti Naga city
Nupay rimmuaren ti bagyo, agtultuloy latta ti napigsa a tudo iti nadumaduma a paset ti Northern Luzon gapu iti shear line, wenno ti epekto ti panagsabat ti nalamiis nga angin (amian) ken ti napudot nga angin (easterlies).
Segun ken ni PAGASA weather specialist Chenel Dominguez, nagsasarunon nga aldaw a nagtudo iti nadumaduma a paset ti Northern Luzon, a mangpataud iti panaglayus ken pangreggaay ti daga. (Ellalyn De Vera-Ruiz/Manila Bulletin//Lito Hilidon/Bannawag)
